بے سر و پا

کافی عرصہ سے میں ٹویٹرtwitter.com کو پاکستان سے استعمال کرنے کے طریقے تلاش کر رہا تھا لیکن کوئی بھی مزے کا نہیں لگا۔ پچھلے سال ٹویٹر نے زیادہ خرچے کے پیش نظر اپنے برطانیہ کے نمبر سے موبائل فونز پر اپنی ایس ایم ایس ڈیلوری بند کردی تھی۔ پھر اپنے بلاگ پر لکھا کہ صرف امریکا، کینڈا، برطانیہ اور بھارت کے عوام ہی اس سہولت سے فائدہ اٹھا سکتے ہیں۔ خیر میں آپکو بتانے لگا تھا آئی ایس ایم ایس ڈاٹ پی کے، کے متعلق۔  اس کے ذریعے آپ اپنا ٹیوٹر سٹیٹس صرف ایک لوکل نمبر پر ایس ایم ایس کر کے اپڈیٹ کر سکتے ہیں۔ میرے پاس اس کی کچھ انویٹیشنس invitaions ہیں۔ اگر کسی صاحب کو چاہیے تو آپ یہاں اس پوسٹ پر رپلائی کریں۔ آخر میں میں علی صاحب کا شکریہ ادا کرنا چاہوں گا جنھوں نے مجھے invitaions بھیجی تھی۔ اگر آپ مجھے فالو کریں گے تو مجھے اچھا لگے گا۔

ٹیوٹر ہے کیا؟؟؟ ان لوگوں کے لیے جنھیں نہیں پتا کہ ٹیوٹر ہے کیا؟ ٹیوٹر ایک اور نیا سوشل ٹیک ورکنگ کی قسم ہے جس کے ذریعے آپ اپنا status اپڈیٹ کر کے اپنے دوستوں کو پتا سکتے ہیں اور پوچھ سکتے ہیں کہ وہ کیا کر رہے ہیں۔۔۔ یہ اپنے اندر ایک نئی قسم کی جاذبیت رکھتا ہے۔

کیا آپ کو نہیں لگتا کہ پاکستان کو کبھی بھی مخلص قیادت نصیب نہیں ہوئی؟؟؟ آج تک کوئی بھی حکمران عوامی امنگوں کی نمائندگی نہیں کر سکا۔ میرے نزدیک پاکستان کا اس وقت سب سے بڑا مسلہ مخلص قیادت کا فقدان ہے۔

کامیابی کے سات اسلامی اصول علامہ اقبال کی تعلیمار کی روشنی میں

پہلا اصول

اصول عشق و محبت

کامیابی کا موثر ترین قانون جو انسان کو ہر قسم کی کامرانی عطا کرتا ہے وہ اصول عشق و محبت ہے۔ یہ بات ذہن نشین کرلینی چائیے کہ علامہ اقبال عشق کے لفظ کو وسیع معنوں مین استعمال کرتے ہیں۔ ان کی نگاہ میں لفظ کائنات کو حیات نو عطا کرنے والا اصول ہے۔ اسے ہم معیار انسانیت بھی کہہ سکتے ہیں جیسا کہ انھوں نے خود فرمایا ہے

عقل و دل و نگاہ کا مرشد اولیں ہے عشق

عشق یہ ہو تو شرع و دین بت کدہ تصوارات

[عشق عقل، دل اور نگاہ کا مرشد اولین ہے۔ عشق و محبت کے بغیر دنیا و مذہب اور ان کے تصورات خیام خیالی کا بت خانہ بن جایا کرتے ہیں۔[

ترجمان حقیت، بناضِ فطرت اور شاعر مشرق علامہ اقبال مرحوم و مغفور ایک اور کتاب میں اس کی مزید وضاحت کرتے ہوئے لکھتے ہیں کہ

وہ پرانے چاک جن کو عقل سی نہیں سکتی

عشق سیتا ہے انہیں بے سوزن و تارِ رفو

[وہ پرانے زخم جنھیں عقل سی نہیں سکتی ہے لیکن عشق اسے سوئی اور دحاگے کے بغیر ہی سی دیتا ہے]

اس ضمن میں علامہ اقبال کا درح ذیل شعر بھی ملاحظہ ہو

یہ جوہر اگر کارفرما نہیں ہے

یہ ہیں علم و حکمت فقط شیشہ بازی

[جب کسی خیال یا عمل میں عشق کی روح کار فرما نہیں ہوتی تو پھر فلسفہ اور علم کی ساری باتیں محض فریب اور بہانہ ہوتی ہیں۔]

علامہ اقبال کا کہنا ہے کہ اگر تم اپنے مقاصدمیں کامیاب ہونے کے خواہش مند ہو تو سب سے پہلے تمہیں عشق و محبت کو درس لینا ہو گا۔ اس سلسلے میں تمہیں ایک ایسے مرشدِ کام کو تلاش کرنا چائیے جو تمہیں عشق و محبت کے موضوع کے نظریہ و عمل سے بخوبی آگاہ کر دے۔

فرمایا

کیمیا پیدا کن اس مشتِ گِلے

بوسہ زن بر آستان کاملے

[اے مخاطب، تو اپنی مٹھی پر خاک،جسم، کو سونے میں تبدیل کر دے، ایسا کرنے کے تہمیں کسی کامل استاد کا بوسہ لینا چائیے یعنی اس کے درس سے فیض یاب ہونا لازمی ہے]

عملی پہلو

اصول عشق و محبت کے بارے میں ایک چھوٹی سی مثال یہاں پیش کی جاتی ہے، آپ اپنی ملازمت، کاروبار یا کسی پیشے کو اختیار کرنے سے پہلے اچھی طرح غور و فکر کرنے کے بعد دیکھ لیں کہ آپ کو اس سے واقعی ذہنی مناسبت، قلبہ لگاو یا عشق ہے یا نہیں؟؟ اگر آپ کو اس سے عشق ہے اور آپ اس کے جملہ لوازمات کو پورا کر سکیں گے تو پھر اس میں آپ کی کامیابی انشاءاللہ ضرور ہو گی۔

کامیابی کے سات اسلامی اصول

علامہ اقبال کی تعلیمات کی روشنی میں

ویسے تو انسان اپنی قسمت آپ بناتا ہے لیکن اگر وہ اپنی زندگی میں کچھ مثبت راہنما اصول بنا لے تو اس کی منزل تک رسائی آسان ہو سکتی ہے۔ کچھ دن پہلے میں کسی کام سے اک کتب خانے گیا تو وہ مجھے ایک کتابچہ نظر آیا جس کا عنوان تھا " کامیابی کے سات اسلامی اصول علامہ اقبال کی تعلیمات کی روشنی میں"، جس کے مصنف حسن رازی صاحب ہیں۔ میں نے ایسے ہی خرید لی۔ لیکن جب گھر آ کر اسے پڑھا جس بے حد دلچسپ اور مفید پایا اور میں نے بیٹھے بیٹھے ہی یہ کتابچہ پڑھ لیا۔ یہ صرف 50 صفحات پر مشتمل تھا۔ میں نے اس کے بہت کچھ سیکھا ہے اور میری کوشش ہے کہ میں اس کتاب کی مدد سے اپنی زندگی میں بہتری لا سکوں۔ میں نے فیصلہ کہ ایک ایک کر کے یہ اصول میں اپنے بلاگ پر بھی شائع کروں۔ تبصروں کا انتظار رہے گا،

کیسی لگی؟؟؟

1950s Italian Police Motorcycle Drill Team

مجھے یاد ہے اسی طرح کی ڈریلز بچپن میں یوم دفاع کی موقع پر فوج کی طرف سے پیش کی جاتی تھیں۔ لیکن وہ اس سے بہت کم درجہ ہوتیں تھیں لیکن پھر بھی بڑی پر جوشی سے دیکھی جاتی تھیں۔ آج یہ ویڈیو دیکھ کر اور بچپن کو تھوڑا یاد کر کے بہت مزا آرہا ہے۔

ورڈ پریس بلاگ (wordpress) پر ایک پوسٹ کے مطابق ورڈپریس 2٫7 4 دسمبر 2008ء کو امریکی وقت کے مطابق رات 8 بجے ریلز ہو رہا ہے پاکستان میں یہ وقت شاید 5 دسمبر کو صبح 6 بجے بنتا ہے۔ بڑی دیر سے انتظار ہے اس کا۔ پوسٹ میں یہ بھی بتایا گیا ہے کہ اس نے نیے فیچیرز اور ایڈمن پینل کس قدر یوزر فرینڈلی ہے اور یہ بلاگنگ کو مزید کیسے مزید مزیداد بنا سکتا ہے۔

ورڈپریس 2٫7 کینیڈیٹ 1 (wordpress canidate 1) یکم دسمبر کو ریلیز کیا گیا تھا۔ اس میں نئی طرز کے مینوز اور ورڈپریس 2٫7 آئیکون مقابلے کے جیتنے والوں کے بنانے گیے آئکنز شامل کیے گیے ہیں۔

paktranslations.com ایک مشینی اردو ترجمہ کی ویب سائٹ ہے۔ یہ اپنی نوعیت کی پہلی ویب سائٹ ہے جس کی مدد سے انگریزی ویب صفحات کو اردو میں ترجمہ کی جاسکتا ہے جیسا کہ گوگل وغیرہ کی دوسری زبانوں میں سروس موجود ہے۔

میرے نزدیک یہ ایک بہت حوصلہ افزا بات ہے۔ پاکستان کی 45 فی صد آبادی خواندہ ہے یعنی تقریبا 8 کروڑ جس میں سے صرف 1 کروڑ 70 لاکھ لوگوں انگریزی جانتے ہیں۔ انٹرنیٹ کے بیکراں سمندر کو اگر کسی طرح ایسی زبان میں ڈھال لیا جائے جس سے عام سے عام لوگ بھی واقف ہوں یو واقعی ایک انقلاب برپا کیا جاسکتا ہے۔ میرا خیال ہے اس پروجیکٹ کو پاکستانی طلباء یا نوجوان رضاکارانہ طور پر چلا رہے ہیں۔ ابھی اس میں بہت بہت بہتری کی صرورت ہے لیکن دل خوش ہے کہ ایسے کام کیے جا رہے ہیں اور بہتری کی قوی امیدیں ہیں۔

عالمی منڈی میں تیل کی گرتی ہوئی قیمت سے ہونے والے فائدے کو حکومت نے عوام تک منتقل کرنے کے لیے ڈیزل کی قیمت میں صرف 3 روپے کمی کی ہے۔۔ یہ مذاق نہیں تو اور کیا ہے۔۔ تیل کی قیمت میں کوئی 92 ڈالرز کی کمی ہوئی ہے اور ادھر صرف 3 روپے سستا ہوا۔۔۔۔۔۔۔ ہم سب کو پتہ پے کہ اصل فائدہ تو تبھی ہوتا جب ڈیزل کی قیمت میں اچھی کمی کی جاتی تاکہ ملک کی ٹرانسپورٹ سستی ہوتی، ڈیزل سے پیدا ہونے والی انرجی سستی ہوتی۔۔۔ لیکن نہیں۔۔۔

حکومت تو تیل کا بل ادا کرتی ہے اس میں 90 فی صد بل ڈیزل کا ہوتا ہے۔۔ حکومت کو چاہیے تھا کہ ڈیزل میں کم سے کم 10 روپے کم کرتی، کچھ تو مہنگائی پہ فرق پڑتا، آج کل فی بیرل قیمت 50 ڈالرز ہے۔۔ جب یہ قیمت تین سال پہلے ہوتی تھی تو ڈیزل 33 روپے فی لیٹر ہوتا تھا،، اب 33 نہیں تو 40، نہیں تو 50 روپے فی لیٹر تو کر دیں۔۔ ۔۔لیکن کیوں کریں فی؟؟؟ عوام کو سکھ کا سانس پہنچ جائے؟؟؟ اور وہ بھی ذرداری کے ہوتے ہوئے ؟؟ ایسا کبھی سنا ہے آپ نے؟؟؟؟؟

پاکستان تحریک انصاف نے 16 نومبر سے 30 نومبر تک اپنی جماعت کی رکنیت سازی کی مہم شروع کر رکھی ہے جس کی شروعات عمران خان نے آج مینار پاکستان سے کی۔ میں شروع ہی سے تحریک انصاف سے متاثر تھا لیکن تحریک انصاف نے جس طرح اس عرصہ میں اپنا موقف اپنایا اور اس پر قائم رہی، اس سے میں بہت متاثر ہوا ہوں۔ صرف میں نے بلکہ پورے پاکستان میں آج کہیں امید کی کرن دیکھی جا رہی ہے تو وہ تحریک انصاف کی طرف سے آتی ہے۔

غیر جانبدار پاکستانی جاتے ہیں کہ وہ کتنی بار اور کیسے کیسے دھوکہ کھا چکے ہیں۔ اب انھیں تبدیلی کی صرورت ہے۔ مجھے عمران خان تبدیلی کا منبع نظر آتے ہیں۔ پاکستان میں عمران خان کو بارک اوباما کی طرح یعنی تبدیلی کا علمبرار کے طور پر دیکھا جا رہا ہے۔

اس کے بارے میں بحث بولتا پاکستان پروگرام بھی ہو چکی ہے۔ عمران خان کی اپنے موقف پر یقین سے کاربند رہنے اور پاکستانیوں کے بنیادی مسائل کے بارے میں آواز اٹھانے کی وجہ سے بہت بڑا فین ہوں اور عملی طور پر کچھ کرنا چاہتا تھا۔ اگرچہ میں ابھی طالبعلم ہوں اور میرے پاس اتنا وقت نہ ہو سکتا کہ میں اپنی تمام تر توانائیاں اس تحریک کے سپرد کر سکوں لیکن میرے پیارے ملک کے حالات جس نہج پر پہنچ چکے ہیں، میرے جیسے کئی ہزار اور طالبعلموں کی بے چینی میں اضافے کا سبسب ہیں، میں چاہتا ہوں کہ جس طرح بھی ہو سکے اور جس حد تک بھی ہو سکے ہمیں ان حالات میں حتی المقدور عملی کوششیں کرنی چاہیے۔ میری بھی یہی کوشش ہو گی کہ میں ابتدائی طور پر اپنی جامعہ میں اور دوستوں میں اس حوالے سے awareness پیدا کروں۔

آج عمران خان نے مینار پاکستان سے ممبرسازی مہم کا آغاز کرنا تھا۔ مجھے جس دن سے اس کے بارے میں علم ہوا تھا میں نے ارادہ کر لیا تھا کہ میں بھی اس تحریک کی ممبرشیپ حاصل کروں اور اس تحریک کے وابستہ ہو کر کچھ کر سکوں۔ میری پوری کوشش تھی کہ عمران خان کی موجودگی میں میں وہاں ہوتا لیکن بدقسمتی سے وہ میرے پہنچنے سے آدھ گھنٹہ پہلے جا چکے تھے۔ خیر میں نے ممبر شب حاصل کر لی ہے اور مجھے بتایا گیا ہے کہ تحریک انصاف کے زیر انتظام ہونے والی سرگرمیوں کے بارے میں آپ کو مطلع کیا جائے اور رضاکارانہ خدمات کے لیے بھی رابطہ رکھا جائے گا۔ میں ہر وہ کام کرنے کی پوری پوری کوشش کروں گا جس سے تحریک کو فائدہ پہنچے تا کہ پاکستان میں تبدیلی کی راہ ہموار ہو۔۔۔۔۔۔۔۔